Good morning, Reutlingen!

Stellenanzeige in der Wilhelmstraße im Jahr 2011
Bildertanz-Quelle: Raimund Vollmer

Betzingens Bildertanz-Blogger Werner Früh hat uns dazu folgendes Gedicht in den "Kommentar" gestellt:

I gang "shopping" - oder so!?

"Denk ich an Deutschland in der Nacht,
Dann bin ich um den Schlaf gebracht!"
I denk, des dät en onsern Tagen
Dr Heinrich Heine wieder sagen.

Mi treibt als biederer Schwabe om,
Send mir Deutsche riegeldomm?
Em Land der Denker ond der Dichter
Vermehret sich dia Sprachvernichter.

Wer denkt heut no en onserm Land,
An Schiller, Hölderlin, an Kant?
Goethe, Gerok, Uhland, Hegel
Kennt doch heut koi Kend ond Kegel.

Heut bischt du "up to date" ond in",
Wenn dir noch "Englisch" schtoht dr Sinn.
Obs andre verschtehn isch schnurz,
Denn lässig brengsch so ohne Furz,
Der dir aus em Schädel purzelt
Wenn er bloss en England wurzelt
Vielbejubelt onder d'Leit
'S isch a wunderliche Zeit.

Heut gibt es "Singles - Double bagger".
Goht mir des Gschwätz oft uff dr Wecker!
"Best-ager" send dia Leut om vierzig.
I denk fuer mi, - der Mensch, er irrt sich.

Der moint, er häb a englischs Hirn.
Der isch net dicht en seira Birn!
I behaupt des frank ond frei,
Des könnet koine Deutsche sei.

Franzosa, Belgier, Spanier, Schweda,
En ihrer Muttersproach dent reda.
Dia send no aus ma andra Holz,
Send uff ihr Land, ihr Sproach no stolz.

Bei ons drgega: "hipand hop",
Ond nix wia nei en "Copy-shop",
"Central-station" statt Bahhof,
"Soccer-party" ond "light"ond kids",
Ond "a cap" anstatt ra Mütz.
"Merchandising" ond "events",
"Over and out", ond koiner kennt's.

Hauptsach, 's isch englisch, wenn's au koiner versteht,
I kann mr bloß wünscha, eh's no zu spät:
"Herr! - Schmeiß Hirn ra" uff onser Land,
Ond breng ons, - wenn's goht -, a bissle Verstand.